عجائب الايميل لا تنتهي!
برغم ان الايميل الهوت ميل الخاص بي معقد الاسم ولست مشتركا به في اي منتديات او مواقع تذكر ورغم ذلك يصلني عليه ثروات وكنوز ما انزل الله بها من سلطان!
: مرة يخبرونني انني الفائز في مسابقة اليانصيب الانجليزي في سحب عشوائي عل ايبيهات الايميلات
! واليانصيب الانجليزي يستخدم في اغراض خيرية وتمويلية فلا افهم كيف يشركون شخصا (سفلقة) بدون ان يساهم ماديا في هدفهم!
هذه رسالة معروفة ومكررة وربما وصلت لكم جميعا
الرسالة الاقدم منها لكنها لم تصلني الا منذ يومين هي عن ارملة ديكتاتور النيجر التي تطمع في شهامتي لكي احول لها ثروة زوجها مقابل نسبة معينة الخ الخ الخوالمطلوب رقم حسابي البنكي (عندهم فكرة غريبة عني!)
وطبعا هي رسالة نصب شهيرة راح ضحيتها العشرات في مصر وتوقفت لفترة بعد القبض على احدى العصابات التي تستغلهاالجديد واللذيذ في طرائف الهوت ميل هي رسالة رسمية الطابع جدا جدا جدا, وتبدا بعنوان محير: هذه رسالتي الثالثة لك والاخيرة
فتحت الرسالة من قبيل الفضول لاجد ان السيد مش عارف ايه سميث يخبرني ان المهندس كروجر (اما مقتبس من اسم احدى المجلات العلمية الشهيرة او من شخصية المدرس في مسلسل الكارتون اللذيذ فير اود بيرنت وهو ما ارجحه )
ترك لي ثلث مليون دولار او مبلغ 300 الف دولار (للاسف غلطة درامية صغيرة بس باينة لواحد غاوي موفي ميستيك! الرسالة من محامي في لندن لمليونير بريطاني, طب ليه مش استرليني او يورو؟ ده حتى الدولار سعره واقع اليومين دول!)ما علينا المهم الراجل بيقول: ستندهش طبعا عندما تجد هذه الرسالة لكن المهندس كروجر كان شخصا نشيطا سافر كثيرا حول العالم وربما قابلك او قابل شخصا رشحك له
يا سلاااااااااااااااااااااااااااااااااااااااام قابلني ازاي وفين وامتى ده انا مبخرجش من البيت الا نادرا اصلا قوم اقابل واحد اجنبي ومليونير كمان!
أما علي الجزء اللذيذ: والمبلغ تم تخصيصه لك في وصيته الاخيرة لنشاطك الانساني ولمساعدة الفقراء في بلدك واكمال انجازاتك الخ الخوالله اشكره على مدحي في شخصي المتواضع, الواحد شوية وهيتهيأله انه عمرو خالد
طبعا من قبيل الفضول برضه بعد ما مسحت الرسالة وهنجت الصفحة ففتحتها من اول وجديد خدت الفقرة الاولى منها كوبلي وبيست في محرك بحث الجوجل طلعلي كام نتيجة
!412
نتيجة! لبحث عن اربعين خمسين كلمة مع بعض بين اقواس تنصيص 412*300 الف دولار = 213600000, متين وتلاتشر مليون دولار من البحث على الجوجل اللي مبيظهرش الرسايل! الاخ كان باعتها لايميلات بتاعة جروبات فظهرت في نتايج البحث + بعض المنتديات المتخصصة في رصد رسايل الخداع (سبام) ودي معلومة جديدة اضفها لتصنيفات المنتديات اللي الواحد سمع عنها في الحياة (مرة اكتشفت منتدى متخصص في فك السحر والعلاج الروحاني ومكافحة المس والشياطين بس ده مش موضوعنا)
برضه من الرسايل المستفزة جدا جدا اللي جات ليا بس على ايميل الياهوو رسايل المقابلات العاطفية
ايه اللي بيفرسني فيها
ان كانت بتيجي بالعنوان ده
(meet single chrestian women)اقابل عازبات مسيحيات يظهر انها من موقع بيشتغل خاطبة تبع احد الكنايس في امريكا ولا اوروبا
معرفش الرسايل اخبارها ايه انا كنت بمسحها من برة باخاف تكون فيروسات
لكنها مصرة تيجي رغم ان ايميلي الياهوو كنت مستلفة من أختي! وكان معمول البروفايل بتاعه انثى ومصرين يبعتولوا برضه!
لما بقيت باستخدم الايميل كتير غيرت البروفايل لذكر , فضلت الرسالة تيجي مدة صغير وبعدين وقفت
حاجة تشكك في نوع العازبة المسيحية اللي بيتكلموا عنها!
عموما طرائف اليميلات كتيرررررزي رسالة مايكروسوفت اللي تعملها فرورورد عشان تديك كام الف دولار على كل اسم ييجي وراك (حيلة لتجميع عدد هائل من الايميلات لغرض الدعاية زي ما اظهرلي بحث الجوجل المرة دي كان اكتر من 100 الف نتيجة) ورسائل النصب ورسائل جادة بس متنفعنيش زي عروض الهجرة لامريكا للعمل كطبيب شرعي ودورات لدراسة المش عارف ايه (حاجات بعيدة عن التخصص)
وغلاسة الفيس بووك اللي مصر اني اشترك فيه وانا معاند مصر مشتركش!
هييييييييييييييييييه
وما الدنيا الا ايميل كبير
